स्वास्थ्य कार्यालय पर्वत

गण्डकी प्रदेशका ११ जिल्ला मध्ये पश्चिम क्षेत्रमा पर्ने पर्वत जिल्ला भैगोलिक विविधताले भरिएको एक रमणीय पहाडी जिल्ला हो । मुक्ति क्षेत्र वाट बगेर आएको धार्मिक मान्यता बोकेको प्रसिद्ध कालीगण्डकी र मोदी नदीको संगम स्थल कुश्मा बजार नै यस जिल्लाको सदरमुकाम हो। समशितोष्ण हावापानीको वाहुल्यता भएको जिल्ला भएता पनि उचाई र भौगोलिक विविधताले गर्दा हावा पानीमा धेरै भिन्नता रहेको पाईन्छ ।यो जिल्ला समुन्द्र सतहवाट न्युनतम ५२० मिटर सेतिबेणी देखि अधिकतम ३३०९ मिटर भुकमा पर्ने जलजलाको लेक सम्म रहेको छ भने सदरमुकाम कुश्मा वजार समुन्द्र सतह वाट ८४७ मिटर उचाईमा रहेको छ । विश्व मानचित्रमा २८˚०० ̍ १९ ̎ देखि २८˚२३ ̍ ५९ ̎उत्तरी अक्षांश र ८३˚३३ ̍४० ̎ देखि ८३˚४९ ̍३० ̎ पुर्वि देशान्तरमा रहेको छ र यस जिल्ला ५३६.८६ वर्ग कि.मी. क्षेत्रफलमा फैलिएर रहेको छ ।प्राकृतिक, सास्कृतिक र मनोरम दृश्यहरुबाट सौन्दर्यित पर्वत जिल्ला नेपालको चौथो सानो जिल्ला र गण्डकी प्रदेशका एघार जिल्ला मध्ये सबै भन्दा सानो जिल्लामा पनि पर्दछ ।प्रतिनिधी सभा १ निर्वाचन क्षेत्र, प्रदेश सभा २ निर्वाचन क्षेत्र र २ नगरपालिका, ५ गाउँपालिका गरी ७ वटा स्थानिय तहमा जम्मा ६१ वडा यस जिल्लामा छन् ।

स्वास्थ्य सेवा प्रदान गर्ने संरचनाहरुमा ३ वटा सरकारी अस्पताल, ३ वटा निजि अस्पताल, ५१ स्वास्थ्य चौकी, ६ वटा आधारभुत स्वास्थ्य सेवा केन्द्र, ५ वटा शहरी स्वास्थ्य केन्द्र, २२ सामुदायिक स्वास्थ्य ईकाइ, १२५ गाउँघर क्लिनिक, १८३ खोप क्लिनिक, ५०० महिला सामुदायिक स्वास्थ्य स्वंयसेविका लगायत करिब ३४० जना कर्मचारी सरकारी संस्थामा र करिब ८० जना स्वास्थ्यकर्मी निजि संस्था तथा अस्पतालमा कार्यरत छन । उल्लेखित संस्थाहरु मध्ये ३८ वटा वर्थिङ्ग सेन्टर, १८ वटा संस्था OTC, २ वटा BEOC Sites , १ वटा CEOC Site , १५ वटा Safe Abortion Sites र १८ वटा संस्थामा प्रयोगशाला सेवा समेत संचालनमा रहेको छ ।

पालिका  स्वास्थ्य शाखा विवरण

सि.न     पालिकाको नाम          स्वास्थ्य शाखा प्रमुख                    ईमेल                                                    सम्पर्क नं                                                 

१          कुश्मा नगरपालिका      याम प्रसाद शर्मा                    yamprashadsharma123@gmail.com        ९८५७६२३५०३           

२          फलेवास नगरपालिका    रुद्र सापकोटा                      rudradurlav@gmail.com                           ९८५७६२१६३३

३          पैयुँ गाउँपालिका            देवी प्रसाद भुर्तेल                  devibhurtel123@gmail.com               ​       ९८५७६३०५१४

४         महाशिला गाउँपालिका     नर वहादुर वराल                  baralnb82@gmail.com                          ९८५७६४४१११

५        विहादी गाउँपालिका          हरि प्रसाद भुसाल                 hrbhusal@gmail.com                               ९८६७१०३६९४

६        मोदि गाउँपालिका            उमेश कुमार अधिकारि            adhikariumeshkumar@gmail.com          ९८४६०६८२०५

७        जलजला गाउँपालिका         गोरे नेपाली                           govinda8@gmail.com                             ९८४७६२६५०६